A rôh tơdah, Ngế pro xiâm hnê ngăn tơnêi têa pơkâ thế péa pâ pơtối mơdêk tơrŭm cheăng tung kơvâ cheăng hriăn ngăn khoa hok kong ngê̆ ‘na trếo tik nik rế hía rế prôk trâu hơngế ai pơxúa, tơƀrê tâ, xua ki xiâm hơniâp lĕm, malối cho tung tơdroăng ki rak vế on tơhrik, ‘no ăm kuăn pơlê, ƀă túa pơkâ tơrŭm tro rơkê, ton xŏn ƀă mâu tơdroăng tơkêa môi tiah kơmăi kơmok, pêi chiâk deăng, khăm pơlât, pơto chơ tơmeăm.

Kăn xiâm pơkuâ Grup on tơhrik trếo tik nik tơnêi têa Rusi tối nhên  tung tơdroăng ki lĕm tro, peăng Rusi ƀă Rosatom rơhêng vâ pơtối mơdêk tơrŭm cheăng ƀă Việt Nam tung mâu kơvâ cheăng ki Ngế pro xiâm hnê ngăn tơnêi têa hiăng tối troh, malối cho hriăn ngăn ‘na khoa hok trếo tik nik ƀă mâu kơvâ cheăng kal ki ê môi tiah mơjiâng pro on tơhrik ing khía, hbrâ rơnáu tối tơbleăng ăm dêi rơpó mâu tơdroăng ki rơkê plĕng, tŏng kum Việt Nam mơdêk ivá cheăng, hnê cheăng pêi ăm mâu ngế pêi cheăng, mơdêk tơdroăng tơrŭm hơ’lêh tung tơnêi têa tung mâu kơvâ cheăng ki kal.