Tơpui a Rôh hôp, pôa Phạm Minh Chính, Ngế pro xiâm hnê ngăn Chin phuh tối nhên, tung pơla tơdroăng tung lâp plâi tơnêi nôkố, mơnhông tơniăn, tŭm têk ƀă mơdêk ngiât chiâng tơdroăng pêi pro tơdrêng tâ ƀă tâi tâng mâu kong têa; tung mê, túa lĕm tro xông môi tiah môi ivá dêi tơdroăng mơnhông krá tơniăn, kơnôm mê kum ôm hyô lâp plâi tơnêi vêh mơdêk ƀă tơdroăng ki rĕng tâ môi tiah tơdroăng ki tối tơbleăng.

Tiô Ngế pro xiâm hnê ngăn tơnêi têa, Việt Nam - Hàn Quốc cho péa tơnêi têa châu Á ƀă hên tơdroăng ki môi tiah dêi rơpó tung túa lĕm tro ƀă tơdroăng ton nah, tung lối 30 hơnăm hdrối, tơrŭm cheăng Việt Nam – Hàn Quốc ai mâu hvêa chêng mơnhông khât, chiâng tơnêi têa tơrŭm cheăng tung la ngiâ tŭm têk a hơnăm 2022 ƀă dế ối tung pơla mơnhông tơniăn lĕm ƀă tơ’lêi hlâu má môi ing nah troh nôkố. Malối, tơrŭm cheăng ‘na ôm hyô ƀă túa lĕm tro cho môi tơdroăng ki bâ.