Xông tơpui a roh leh, teăng mâ khu râ kăn pơkuâ Đảng, Tơnêi têa, pôa Phạm Minh Chính, Ngế pro xiâm hnê ngăn tơnêi têa tá hiâm mơno kheăn kơdeăn mâu tơdroăng châ tơƀrê, hnoăng cheăng rơkê dêi mâu khu rơxông kăn ƀô̆, mâu lêng Kan sát cơ đô̆ng tung 50 hơnăm hiăng hluâ.

Ngế pro xiâm hnê ngăn tơnêi têa pơkâ thế khu Kŏng an kuăn pơlê tối tơdjuôm, khu Kan sát kơ đô̆ng tối krê drêng lâi pơrá pêi kêi đeăng trâu hơngế, rak tơniăn tơdroăng pơkuâ kơtăng, tơdrêng ‘na rêm tơdroăng cheăng dêi Đảng mê ối a ko cho pôa Nguyễn Phú Trọng, tơdroăng pơkuâ dêi Kăn xiâm hnê ngăn tơnêi têa, tơdroăng môi tuăn pơkuâ tơnêi têa dêi Chin phuh, Ngế pro xiâm hnê ngăn Chin phuh; tơdroăng hnê mơhno, pơkuâ tơdrêng dêi Ngế xiâm pơkuâ Kŏng an.

Thế thăm nhuô̆m tơdroăng mơjiâng Đảng; mơdêk ivá pơkuâ, ivá tơplâ dêi khu pơkuâ Đảng, đảng viên; khŏm mơ-eăm mơjiâng khu kan sát kơ đô̆ng thăm krúa lĕm, ó rơdêi, chính quy, ƀeăn ƀĕng rơkê, prôk tơdrăng to tiô rơxông nếo.