A rôh trâm mâ, pôa Tô Lâm - Kăn xiâm hnê ngăn tơnêi têa vâ môi tuăn hlo tơdroăng mơnhông rế tơƀrê ƀă trâu rơdâ dêi tơdroăng tơrŭm cheăng tung tŭm tơdroăng pơla Việt Nam - kong têa Ănglê. Vâ  pơtối rak vế pêi pro tơdroăng tơrŭm cheăng tơniăn lĕm pơla Việt Nam ƀă kong têa Ănglê tung la ngiâ, pôa Tô Lâm Kăn xiâm hnê ngăn tơnêi têa pơkâ thế péa pâ mơdêk tơrŭm tơpui tơno tung tâi tâng khu ƀă trâm tơpui ƀă rêm râ; mơdêk tơrŭm kring tơniăn - cheăng lêng; pro tơ’lêi ăm mâu tơdroăng tơrŭm cheăng tê mơdró - ‘no liăn cheăng tê mơdró pơla péa tơnêi têa.

Pôa Tô Lâm - Kăn xiâm hnê ngăn tơnêi têa  khĕn kơdeăn tơdroăng pêi tơƀrê ‘na tơrŭm cheăng tơniăn lĕm pơla péa tơnêi têa tung kơvâ hnê hriâm - hnê mơjiâng mơngế rơkê drêng rế ai hên sinh viên, hok tro Việt Nam hriâm a kong têa Ănglê ƀă ai hên tơdroăng tơrŭm pơla mâu hngêi trung đăi hok ƀă mâu hngêi trung, tíu hnê hriâm péa tơnêi têa, hlối púi vâ péa pâ pơtối tơbleăng tơrŭm pêi hên tơdroăng, ‘na Túa lĕm tro, Ôm hyô ƀă Pơtâp ivá vâ mơdêk hlê plĕng dêi rơpó.