Tơbleăng hnê mơhno a hneăng hôp, pôa Tô Lâm, Kăn xiâm hnê ngăn tơnei têa ƀă pôa Phạm Minh Chính, Ngế pro xiâm hnê ngăn tơnêi têa tơmâng xo, khĕn kơdeăn mâu hnoăng hiăng châ pêi tơƀrê dêi Khu Đảng lêng xiâm tơnêi têa, Khu xiâm pơkuâ ngăn lêng tung mâu hơnăm hdrối mê hía nah. ‘Na tơdroăng cheăng vâ pêi tung la ngiâ, pôa Tô Lâm,  Kăn xiâm hnê ngăn tơnêi têa tối nhên, mâu tơdroăng kal ki Khu Đảng lêng xiâm tơnêi têa, Khu xiâm pơkuâ ngăn lêng kal thế pêi.

Tung mê, mơdêk ki ai hlâu ‘na cheăng lêng, tơkŭm mơjiâng cheăng lêng tâi tâng kuăn pơlê rơtế ƀă tơdroăng kring vế tơniăn kuăn pơlê. Mơjiâng ƀă pơtối rak vế pêi rơdêi “chân krá hiâm mơno kuăn pơlê’’ tung tơdroăng tâi tâng mâu lêng ƀă kuăn pơlê veăng kring vế tơniăn, mơjiâng, ‘mâi mơnhông ki rơdêi tung tâi tâng kuăn pơlê veăng kring gak krá tơniăn. Tơmâng pêi tro tiô luât pơkâ tŏng gum ƀă mâu lêng ƀă mơnhông pêi pro tơdroăng “Mơnê mâu ai hnoăng”. Pơtối mơhno ƀă pơ-eăng hiâm mơno ki  lĕm dêi “Mô đô̆i Pôa Hồ’’ tung hiâm mơno kuăn pơlê.