Klêi leh tơdah, pôa Tô Lâm, Kăn xiâm hnê ngăn tơnêi têa rơtế ƀă Kăn xiâm pơkuâ hnê ngăn Đảng, Kăn xiâm hnê ngăn kong têa Lếo pơkuâ khu kăn xiâm péa tơnêi têa hôp tơpui tơno. Péa ngế kăn tối nếo luât pơkâ dêi péa tơnêi têa đi đo nhoăm ƀă pêi ahdrối tơdroăng ‘nâi mơnhông tơrŭm cheăng ki kal, tơrŭm tung tŭm tơdroăng cheăng pơla Việt Nam - Lếo; pơtối tơkŭm tơbleăng pêi tơƀrê mâu tơdroăng tơhrâ râ kăn xiâm péa tơnêi têa, xuân môi tiah pơla mâu Khu xiâm kơvâ cheăng a Tíu xiâm ƀă kong pơlê.

Klêi mê, mơnhông kơ-êng ‘na mâu tơdroăng; mơdêk tơpui tơno mâu hneăng lăm pôu, trâm mâu mâu kăn ƀă rêm râ, séa ngăn mơnhông tơƀrê mâu luât pơkâ tơrŭm cheăng; mơnhông hnê tối, hnê hriâm ‘na tơdroăng ton nah tung tơrŭm krá pơla Việt Nam - Lếo ăm kuăn pơlê péa tơnêi têa.

Pôa Tô Lâm tối ing tơdroăng  môi tuăn dêi mâu nhŏng o, Việt Nam kô pê tâi hiâm mơno vâ veăng kum Lếo xo pêi klêi hnoăng cheăng tung lâp plâi tơnêi hơnăm 2024, tung mê, ai hnoăng pro Kăn xiâm hnê ngăn ASEAN Kăn xiâm hnê ngăn AIPA