Tối tơbleăng a rôh pêi cheăng, pôa Tô Lâm Kăn xiâm hnê ngăn tơnêi têa tơmâng xo, khĕn kơdeăn hnoăng tơplâ ƀlêi trâng,  hnoăng ki mâu kăn ƀô̆, mâu lêng  dêi Khu lêng  pĕng kơnŏng - Lêng tơƀai  hiăng pêi châ tơƀrê tung to lâi chât hơnăm hdrối kô hía nah. Kăn xiâm hnê ngăn tơnêi têa tối nhên, Khu lêng pĕng kơnŏng - Lêng tơƀai cho khu lêng rơkê kih thuât  rơtế ƀă tơdroăng mơnhông cheăng kâ - rêh ối dêi tơnêi têa. Xua mê, Khu lêng  pĕng kơnŏng - Lêng tơƀai thế pơkuâ  ƀă tơrŭm krá ƀă mâu lêng ki ê chiâng pêi cheăng rơkê ‘na khoa hok, kih thuât, kơmăi kơmok vâ rế tơƀrê  chiâng vâ kơneăng a hbro plêng dêi Tơnêi têa.

Kăn xiâm hnê ngăn tơnêi têa loi khât ƀă tơdroăng tơplâ khên tơnôu ing nah dêi Khu lêng kuăn pơlê Việt Nam, Khu lêng  pĕng kơnŏng - Lêng tơƀai kô pê klêi tŭm tơdroăng cheăng tung mâu hơnăm nếo, ai hnoăng kân tâ nếo, đi đo ta ah tơxâng ƀă tuăn loi ngah dêi Đảng, Tơnêi têa ƀă kuăn pơlê.