Pôa tối Đảng tơnêi têa đi đo tơmâng rêm ngế rơpŏng hngêi Việt Nam, môi tuăn ƀă troăng rơhlâ dêi  “Ôh tá lôi ngế ki lâi pa rŏng”  Kăn xiâm hnê ngăn tơnêi têa khĕn kơdeăn mâu kăn ƀă kuăn pơlê  ‘na tơdroăng hiăng pêi pro tung tơdroăng rêh ối pơlê pơla châ pêi pro tung mâu hơnăm hdrối nah, tung mê, Đường Lâm cho môi tung mâu cheăm ki djâ troăng a hdrối dêi pơlê kong krâm Sơn Tây tung mơjiâng thôn pơlê nếo tiô túa ki hiăng pê klêi 80% tơdroăng cháu, ôh pá ai xếo rơpŏng kơtiê, kuăn pơlê ‘nâi tơrŭm tŏng gum dêi rơpó, kum dêi rơpó mơnhông cheăng kâ tung môi pơlê cheăm rêh ối tiô túa lĕm tro rơkê plĕng.

-Pôa Tô Lâm, Kăn xiâm hnê ngăn tơnêi têa lăm pôu, tơpui tơno ƀă mâu khu râ kuăn pơlê a tíu tơbâ Mộng Phụ, pơlê ton nah Đường Lâm

Vâ pêi pro mâu tơdroăng cheăng troh leh tơbâ hên tơdroăng leh kân dêi Sơn Tây tung hơnăm 2024, Kăn xiâm hnê ngăn tơnêi têa loi khât pơlê kong kơdrâm Sơn Tây tối tơdjuôm ƀă cheăm Đường Lâm tối krê kô pơtối pêi châ tơƀrê hên tơdroăng ki kân tâ, môi tuăn mơjiâng pơlê rế ton rê mơnhông ƀă kro mơdrŏng, ai hên ngế rơkê veăng ‘no hnoăng mơnhông  tơdjuôm tơnêi têa.