Klêi tâng mâu khu xiâm kơvâ cheăng tơbleăng tối hlối tiâ mâu tơdroăng pâ thế dêi kong pơlê, pôa Tô Lâm, Kăn xiâm hnê ngăn tơnêi têa tối nhên, Cao Bằng cho kong pơlê ai hnoăng cheăng pêi ki kal, cho “Tíu ki kal” dêi tơnêi têa, cho “Hơlâ troăng” peăng mâ hâi Lu ƀă peăng Kơnhŏng dêi tơnêi têa, ai hên kong kế nhâ loăng ối lĕm môi tiah ton rôh nah, krip tơdrŏm; ai 27 hdroâng kuăn ngo rêh ối, ƀă hên túa lĕm tro, hên khôi túa,  vêa vong hdroâng kuăn ngo.

Vâ pê klêi hnoăng cheăng tung la ngiâ, Kăn xiâm hnê ngăn tơnêi têa pơkâ thế Cao Bằng i môi tuăn, môi mơno, pêi pro kơtăng; tơbâ pêi hlối tơdroăng púi vâ mơnhông tơƀrê, tơrŭm môi tuăn, hâk tơngăm, nhoăm hdroâng mơngế; pơtối rak vế tơdroăng hriăn plĕng ki nếo, tơkŭm ivá rơdêi, pêi pro tơdroăng ki lĕm ton nah, mơhno túa lĕm tro, kuăn mơngế  dêi kơpong tơnêi “cho  tíu ki xiâm dêi kăch măng”; ôh tá kơnôm to mâu ki ê, mê thế mơ-eăm ing ivá tơná, xông rơdêi mơ-eăm pê klêi tơdroăng pơkâ mơnhông cheăng kâ-rêh ối pơlê pơla hơnăm 2021-2025.