Tiô pơkâ dêi Khu xiâm kal kí ‘na tơdroăng rah xo tŭm Khu hnê mơhno, pôa Tô Lâm, Kăn xiâm hnê ngăn tơnêi têa veăng ƀă pôu râng hnoăng Kăn pơkuâ. Pôa Tô Lâm, Kăn xiâm hnê ngăn tơnêi têa tối nhên, hluâ 14 khế pêi cheăng, Khu hnê mơhno hiăng pêi pro mâu tơdroăng cheăng kân, pơkâ thế Khu hnê mơhno tiô đê cương inhên, tơbleăng mơgêi dêi mâu khu, rơkong tơpui hnê mơhno dêi Khu xiâm kal kí, veăng tơpui dêi Hneăng hôp Tơnêi têa 9 vâ hriăn plĕng ăm mâu tơdroăng nếo ing tơdroăng nôkố tung tơnêi têa ƀă lâp plâi tơnêi pơkâ mơ’no, vâ xúa ki rơkê tung tơdroăng pơhlêh nếo tơnêi têa.

Klêi mê, ối tối rơdêi kố cho tơdroăng cheăng ki kal, pôa Tô Lâm pói vâ mâu khu tơrŭm cheăng tung Khu hnê mơhno mơnhông hiâm mơno pôu râng hnoăng cheăng vâ kêi đeăng lĕm tro hnoăng châ Khu xiâm Đảng, Khu xiâm kal kí, ƀă Pôa Nguyễn Phú Trọng, Kăn xiâm pơkuâ hnê ngăn Đảng hiăng pơcháu.