Tơpui a rôh pêi cheăng, pôa Tô Lâm, kăn xiâm hnê ngăn tơnêi têa pơtroh rơkong kơ-êng, rơkong rơkâu tơniăn lĕm má môi dêi pôa Nguyễn Phú Trọng, Kăn xiâm pơkuâ hnê ngăn Đảng troh tâi tâng kăn ƀô̆, lêng pĕng kơnŏng khu lêng têa kơxĭ. Kăn xiâm hnê ngăn tơnêi têa pơkâ thế Khu lêng pĕng kơnŏng, khu lêng têa kơxĭ kal môi tuăn ki hlê plĕng ‘na hnoăng cheăng, tíu cheăng, malối ki kal dêi Khu lêng têa kơxĭ tung pêi pro tơdroăng tung la ngiâ rak vế Tơnêi têa tung tơdroăng nếo.

Khu lêng pĕng kơnŏng têa kơxĭ kal tơkŭm tơbleăng tơƀrê tơdroăng pơkâ kơxô̆ 44 hneăng 13 ‘na tơdroăng cheăng tung la ngiâ rak vế Tơnêi têa tung tơdroăng nếo, malối cho mâu túa tơmiât, túa ki hlê plĕng nếo ‘na rak vế Tơnêi têa; pơkâ kơtăng túa tơmiât “khŏm mơ-eăm”, “kơhnâ tơplâ rak vế krá rơdê tơniăn krê, hnoăng pơkuâ, môi tuăn, tâi tâng tơnêi tơníu, têa kơxĭ, chuăn rơlố, kơpong hbo plêng, rak vế kong prâi hơniâp lĕm, tơniăn vâ mơnhông tơnêi têa”; đi đo mơdêk hbrâ kơchăng, hlê plĕng nhên mâu ngế, túa tơmiât vâ pêi pro dêi khu ‘mêi; khŏm, mơ-eăm tung pêi pro hnoăng cheăng rak vế hnoăng pơkuâ chuăn rơlố, têa kơxĭ.