Kăn xiâm hnê ngăn tơnêi têa  tối sôk ro hlo mơnhông rơdêi tơrŭm cheăng pơla Việt Nam - Australia  tung mâu hơnăm hdrối nah, malối cho tơdroăng péa tơnêi têa mơdêk tơrŭm cheăng to a kơlo Tơrŭm cheăng tung tŭm tơdroăng khế 3/2024.

Kăn xiâm hnê ngăn tơnêi têa  pơkâ thế, ing  tơrŭm cheăng ki nếo, péa tơnêi têa pơtối pơkâ mâu tơdroăng vâ pêi, pơkâ nhên; pơtối rak tơdroăng tơpui tơno ƀă khu, trâm mâ mâu kăn xiâm, mơnhông tơpui tơno ăm dêi rơpó ‘nâi mâu tơdroăng ‘na tung kơpong, lâp plâi tơnêi ki hên ngế rơhêng vâ ‘nâi plĕng; tơrŭm cheăng kâ, tê mơdró- ‘no liăn cheăng;  tơbleăng hên tâ tơdroăng tơrŭm tung tơdroăng cheăng nếo mê cho hbrâ ví ƀă hyôh kong prâi hơ’lêh, on tơhrik krúa, pơ’lêh kơxô̆, hriê̆n ‘na tuăn ngôa rơkê. Kăn xiâm hnê ngăn tơnêi têa   hâk mơnê mâu hngêi trung Đại học Australia po rơdâ tơrŭm cheăng ƀă Việt Nam, khê̆n kơdeăn Australia pơtối kum Việt Nam hnoăng liăn hriâm, pâ thế Chin phuh Australia pơtối pro tơ’lêi hlâu ăm mơngế Việt Nam ki hriâm, rêh ối ƀă pêi cheăng kâ a Australia.