Kăn xiâm hnê ngăn tơnêi têa tối ASEAN ai hnoăng cheăng kal khât, cho tơdroăng cheăng ki ôh tá chiâng tơklâ tung luât pơkâ tơpui kâ dêi Việt Nam. Kăn xiâm hnê ngăn tơnêi têa phiu ro hlo mâu tơdroăng mơnhông tơƀrê lĕm tơdroăng tơrŭm cheăng pơla Việt Nam ƀă mâu kong têa Đông Nam Á tung tơdroăng cheăng pơla péa pâ ƀă hên troăng rơhlâ; Việt Nam hiăng pê klêi mâu tơdroăng pơkâ tung tơrŭm cheăng ƀă mâu khu tơrŭm cheăng tung tâi tâng mâu kong têa tung ASEAN; tối môi tuăn ƀă púi vâ Timor-Leste kô rĕng chiâng kong têa ki ai tŭm châ mot tung ASEAN.

Kăn xiâm hnê ngăn tơnêi têa púi vâ Kăn teăng mâ kô cho kông tơdjêp ki kal, ‘no hnoăng hên tâ nếo tung mơnhông tơrŭm cheăng pơla Việt Nam ƀă mâu kong têa Đông Nam Á, rơtế tơdjuôm ivá mơjiâng kong têa ASEAN môi tuăn, rơdêi, trếo tik nik hơniâp lĕm, tơniăn, tơrŭm hlối mơnhông tơbrê a kơpong ƀă tung lâp plâi tơnêi.