Pôa Tô Lâm, kăn xiâm hnê ngăn tơnêi têa rơkâu kơ kăn teăng mâ hiăng veăng gum tơƀrê ƀlêi chiâng tung ‘mâi mơnhông tơrŭm cheăng Việt Nam – Thụy Điển. Kăn xiâm hnê ngăn tơnêi têa tối nhên, Tơnêi têa, Chin phuh ƀă kuăn pơlê Việt Nam ôh tá la lâi piu ƀă đi đo ngăn nhuô̆m hiâm mơno tơrŭm tơroâ, tơdroăng ki môi tuăn ƀă tŏng kum hơnía git, tối tơdroăng ki tơrŭm ki Pơtáu, Chin phuh ƀă kuăn pơlê Thụy Điển hiăng gum ăm peăng Việt Nam tung roh tơplâ nah châ pring vế tơniăn krê tơnêi têa, pro tơnêi têa tơrŭm chiâng môi ƀă tung pơla mơjiâng, mơnhông tơnêi têa hâi kố.

Kăn xiâm hnê ngăn tơnêi têa phiu ro mâu khu mơdró kâ Thụy Điển thăm mơdêk ‘no liăn cheăng a Việt Nam tung mâu kơvâ cheăng ki Thụy Điển ai ivá rơdêi môi tiah hngêi trăng, troăng klông, pơto chơ tơmeăm, on tơhrik vêh bro, túa pơkâ kơphô̆, mơnhông krá tơniăn.