Tơbleăng a rôh trâm mâ, Kăn xiâm hnê ngăn tơnêi têa pơtroh rơkong rơkâu troh mâu vâi pú droh rơtăm pleăng hnoăng cheăng tơná, tâi tâng mâu ngế tung khu tung lâp tơnêi têa đi đo rêh ối lĕm ro, mo sêi, hơniâp lĕm, pơtối tơbleăng rơdêi tuăn mơ-eăm dêi  “Droh rơtăm pleăng hnoăng cheăng tơná’’ tung mơjiâng Tơnêi têa Việt Nam.

Drêng kố, Khu kố hbrâ vâ troh Hneăng hôp kân mâu kăn tung lâp tơnêi têa dêi Khu droh rơtăm Việt Nam lăm pleăng hnoăng tơná pêi cheăng kâ - rêh ối  rôh má 5, hneăng hơnăm 2024-2029, Kăn xiâm hnê ngăn tơnêi têa púi vâ mâu khu chôu pâ ƀă mơ-eăm tâi ivá pêi mâu tơdroăng cheăng tiô púi vâ dêi Pôa Hồ. 

Kăn xiâm hnê ngăn tơnêi têa púi vâ Khu droh rơtăm pêi hên tơdroăng cheăng ai pơxúa vâ rĕng kâi tơleăng mơnhên klêi mâu tơdroăng ki u ối hâi pêi tung tơdroăng cheăng dêi Khu droh rơtăm pleăng hnoăng tơná pêi tung cheăng kâ - rêh ối, ngăn mê cho hnoăng cheăng pêi tơná, mơhno hiâm mơno pâ mơnê khât ƀă mâu ngế ki hiăng pleăng hnoăng tơná, hiăng hlâ xua tơdroăng vâ rak tơniăn lĕm hdroâng mơngế, vâ ăm lâp tơnêi têa tơrŭm môi, mơnhông ƀă kring vế Tơnêi têa.