A roh tơdah, pôa Tô Lâm, Kăn xiâm hnê ngăn tơnêi têa mơnhên mơnhông tơrŭm cheăng ƀă Sinuâ đi đo cho troăng hơlâ môi tuăn sap apoăng troh tá tui lui, rah xo troăng pêi cheăng ton xŏn, kơjo má môi tung troăng tơpui kâ ƀă kong têa ê tơniăn krê pêi xêh, hên troăng, hên tơdroăng dêi Việt Nam. Pôa Hùng Ba mơnhên, klêi kơ’nâi mơgêi hnoăng cheăng, mehé pôu râng hnoăng cheăng ki lâi kô đi đo séa ngăn ƀă pơtối veăng gum ăm tơrŭm cheăng nhŏng o, Pơlê pơla gum dêi pó tung la ngiâ Việt Nam – Sinuâ ai kơnâ ton xŏn.

‘Na tơdroăng a têa kơxĭ, péa pâ môi tuăn pêi pro kơtăng mâu tơdroăng môi tuăn ƀă hlê plĕng tơdjuôm khu râ kăn xiâm, pơkuâ ƀă tơleăng lĕm tro tâ tơdroăng ôh tá môi tuăn, ôh tá ăm tơdroăng Biển Đông tơdjâk troh tâi tâng tơrŭm cheăng péa tơnêi têa dế mơnhông mơdêk lĕm, veăng kum ăm hơniâp lĕm, tơniăn, mơnhông dêi kơpong ƀă lâp plâi tơnêi.