Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng troh, lăm pôu mơhnhôk, hơlêm hbru tơmeăm ăm kuăn pơlê ki dế ví hmuâ têa lu a hngêi kuăn pơlê hmâ tơkŭm hôp dêi thôn  Phú Thọ 1, cheăm Trường Sinh, tơring Sơn Dương, kong pơlê Tuyên Quang. Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi  púi vâ kuăn pơlê a tíu kố pơtối veăng gum  dêi rơpó tơniăn tung rêh ối.

Pơtối mê, Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa  hiăng lăm séa ngăn tơdroăng cheăng hbrâ mơdât têa lu tơdroăng kâng pro rơchôa,  ƀă kơxâk, mâu loăng tơmeăm a rơchôa, lăm pôu kơ-êng, hơlêm mâu ngế veăng kâng pro rơchôa a kroăng Lô tung tơring Sơn Dương.

Pơkuâ hâi pêi cheăng ƀă Kăn xiâm pơkuâ hnê ngăn kong pơlê Tuyên Quang ‘na tơdroăng  hbrâ vía xía vâ  khía mơhot kân a tơring, pôa Tô Lâm Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế séa ngăn, tơkâ luâ mâu tơdroăng pá ƀă mâu rơchôa, long têa, kông; ai pơkâ klâ troăng têa lu tung mâu tơdroăng kal pêi tơdrêng hbrâ djâ kuăn pơlê châ tíu ê; tơbleăng rĕng tơdroăng tŏng gum mâu ngế trâm xía vâ, gum phái kế kâ.

Kơmăng hâi lơ 12/9, a pơlê kong kơdrâm Việt  Trì, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng pêi cheăng ƀă mâu kăn kong pơlê Phú Thọ hlối tơmâng mâu tơdroăng pơkâ thế dêi kong pơlê tung tơdroăng tơkâ luâ xơpá xua khía kân plong mot pro têa lu.