Tơbleăng a leh mot hơnăm hriâm nếo, pôa Tô Lâm Kăn xiâm pơkuâ hnê ngăn Đảng Kăn xiâm hnê ngăn tơnêi têa  pơkâ thế Học viện hnê khât, pêi tơƀrê troăng hơlâ, luât pơkâ dêi Đảng ‘na pơ’lêh nếo tung tŭm tơdroăng  hnê hriâm, hnê mơjiâng tuăn ngôa rơkê rơtế ƀă kring vế Tơnêi têa tung tơdroăng nôkố, veăng mơnhông ki tơƀrê dêi kăn ƀô̆ dêi Đảng, Tơnêi têa, mâu lêng tơplâ tung rơxông nếo.

Tung mê, Học viện thế mơhno nhên cho tíu ki djâ troăng ahdrối tung pêi mâu pơkâ, tối mơgêi dêi Đảng ‘na pơ’lêh nếo tung hnê hriâm, hnê mơjiâng tuăn ngôa rơkê ƀă hnê ‘na lêng, cheăng lêng, kring tơniăn. Pakĭng mê pơtối pơ’lêh nếo rơdêi tơdroăng hnê, túa hnê, rak ngăn dêi hngêi trung tiô troăng hơlâ khoa hok, nôkố ƀă troăng hơlâ “hnê tơƀrê dêi hngêi trung cho hnoăng mơ-eăm tơplâ dêi tíu hnê”.