Rôh trâm mâ châ tơkŭm po drêng tơbâ 80 hơnăm Kăch măng Khế Tơheăm ƀă Mơjiâng tơnêi têa lơ 2/9 vâ hơ’muăn tối khôi hmâ khên tơnôu, tơdrêng amê hlối mơhno tơdroăng ki mơnê kân dêi Đảng, Tơnêi têa ƀă mâu rơxông prôk hdrối. Pôa Tô Lâm, Kăn xiâm pơkuâ hnê ngăn cheăng Đảng tơmâng xo, mơnhên tối khât mâu ivá veăng gum kân kĕng dêi mâu kăn pơkuâ kăch măng hneăng hdrối tung tơdroăng cheăng tơplâ tơleăng lĕm hdroâng mơngế ƀă mơjiâng tơnêi têa.

Pôa xuân tối ‘na tơdroăng cheăng dêi tơnêi têa nôkố, tối mâu tơdroăng ki tơ’lêi hlâu, rôh vâ mơnhông ƀă tá mâu tơdroăng ki xơpá, pơloăng mơnúa. Kăn xiâm pơkuâ hnê ngăn Đảng tối rơhêng vâ mâu kăn pơtối mơnhông tuăn ngoâ, ki rơkê plĕng, rơtế prôk ƀă Đảng ƀă kuăn pơlê, veăng gum mơjiâng tơnêi têa kro mơdrŏng, hơniâp ro, krá rơdêi tung chal ki nếo.