Rơkâu Kăn teăng mâ hiăng pê klêi hneăng pêi cheăng a Việt Nam, pôa Tô Lâm tối nhên, Ngế xiâm Kŏng an tơmâng xo mâu tơdroăng ki mơ-eăm dêi Kăn teăng mâ hiăng veăng ‘no hnoăng, mơnhông tơrŭm cheăng tung tŭm tơdroăng pơla Việt Nam - Nhuk tối tơdjuôm, pơla mâu Khu xiâm Kŏng an Việt Nam ƀă mâu kơ koan pêi pro tiô luât dêi Nhuk tối krê.

Vâ pơtối mơdêk tơrŭm cheăng pơla Viẹt Nam - Nhuk rế tơƀrê tâ, pôa Tô Lâm pơkâ thế péa pâ mơdêk ki tơƀrê ‘na tối ăm dêi rơpó ‘nâi mâu tơdroăng; tơrŭm krá khât mâu kơvâ cheăng hbrâ mơdât mâu khu ‘mêi, mâu ki ai xôi tơdroăng ton nah; tăng ‘nâi plĕng, pơtroh mâu tơdroăng ki kal troh mâu kăn xiâm péa tơnêi têa.

Kăn teăng mâ rơkâu tơdroăng tơrŭm cheăng pơla Việt Nam Nhuk rế tơƀrê; tối klêi vêh a a tơnêi têa, mơhé pro kăn lơ ôh, kô pơtối tơmâng khât, mơdêk tâ nếo vâ tơdroăng tơrŭm mê rế trâu rơdâ, krá tâ.