Pôa Trần Hồng Hà, Ngế pro xiâm phŏ hnê ngăn tơnêi têa hôp tơdrêng tiô troăng hyôh internet ƀă Ngế pro xiâm phŏ hnê ngăn kong têa Rusi
Thứ tư, 10:00, 10/07/2024
Tơplôu: Gương/VOV
Tơplôu: Gương/VOV
VOV4.Xơ Đăng - Kơxê hâi lơ 9/7, pôa Trần Hồng Hà, Ngế pro xiâm phŏ hnê ngăn Chin phuh, Kăn xiâm hnê ngăn Xing xoăng cheăng Việt Nam ƀă pôa Dmitry Chernyshenko, Ngế pro xiâm hnê ngăn kong têa Rusi, Kăn hnê ngăn Xing xoăng Rusi hiăng rơtế pơkuâ hneăng hôp tơdrêng tiô troăng hyôh interenet vâ tơpui tơno ‘na mâu tơdroăng mơnhôk tơrŭm cheăng, pêi cheăng châ tơƀrê tung mâu tơdroăng cheăng dêi Vi ƀan tơrŭm Chin phuh Việt Nam - Rusi ‘na tơrŭm cheăng kâ- tê mơdró ƀă khoa hok kih thuât.
A hneăng hôp, péa ngế pro xiâm phŏ hnê ngăn hiăng vêh tối mâu tơdroăng tơrŭm cheăng ƀă khĕn kơdeăn mâu tơdroăng hiăng pêi châ tơƀrê tung Hlá mơ-éa chêh Hneăng hôp rôh má 24 Vi ƀan tơrŭm Chin phuh Việt Nam - Rusi ‘na tơrŭm cheăng kâ - tê mơdró ƀă khoa hok - Kih thuât (khế 4/2023); môi tuăn rơtế mơ-eăm tối ‘na mâu troăng rơhlâ vâ mơnhông tơƀrê tơrŭm cheăng péa pâ, ing tơdroăng ai tiô ki pơxúa dêi tơrêm kong têa ƀă tơdroăng tơrŭm cheăng tung tŭm tơdroăng pơla Việt Nam, Rusi.
Péa Ngế pro xiâm phŏ hnê ngăn tơnêi têa tối kô hnê mơhno khu xiâm, kơvâ cheăng péa tơnêi pơtối tơrŭm krá vâ hbrâ tro ăm hnoăng hôp rôh má 25 Vi ƀan tơrŭm cheăng Chin phuh Việt Nam - Rusi pơxiâm vâ po tung hơnăm 2024.
Viết bình luận