Tiah mê, péa pâ môi tuăn rơtế tơbleăng tro mâu tơdroăng cheăng trâm mâ khu râ kăn xiâm ƀă rêm râ, kơvâ cheăng, Mơdêk tro tâ nếo hnoăng cheăng dêi Vi ƀan hnê mơhno tơrŭm cheăng pơla péa pâ tung tơdroăng ki séa ngăn, tơdroăng cheăng vâ pro hơ’lêh ki hlê plĕng tơdjuôm dêi khu râ kăn xiâm; Tơbleăng tro mâu tơdroăng cheăng tơrŭm ‘na lêng, gâk kring.

Thăm mơdêk tơrŭm tung la ngâ, malối cho hngêi trăng troăng klông troăng rơxế lơ treng, troăng prôk chêng; Mơdêk tơdroăng ki po rơdâ ‘mêng rơnêu mơnhên mâu bo cheăng, tơbleăng tơƀrê mơjiâng tíu bo cheăng ki rơkê plĕng, tơ’lêi hlâu ăm mâu kế tơmeăm Việt Nam ing troăng rơxế lơ treng Sinuâ lăm ngi tơnêi ki má pá ing troăng rơxế lơ treng châu Á – châu Âu.

Tơrŭm krá tơniăn tung hnoăng cheăng pơkuâ ngăn, rak vế tíu tơkăng kong tiô pái mơ-éa luât ‘na tơkăng kong a tơnêi ƀă hbrâ mơdât tơdroăng ki ôh tá môi tuăn a têa kơxĭ tiô Tơkêa Khu lâp kong têa ‘na Luât Têa kơxĭ hơnăm 1982.