Tiô pơkâ dêi Ngế pro xiâm hnê ngăn Chin phuh kĭ pơkâ pêi pro Lâm Đồng, troh hơnăm 2030, Lâm Đồng kô chiâng kong pơlê mơnhông tâi tâng; mơjiâng Đà Lạt ƀă kơpong ki achê mê chiâng tíu xiâm ôm hyô dâi lĕm dêi lâp tơnêi têa ƀă kơpong Đông Nam Á, cho tíu xiâm hnê hriâm, pơhlêh nếo tơmiêt pêi. Tung mê, kơlo tơtêk GRDP tơdâng 8,5 – 9%/hơnăm, pêi lo liăn rêm pơ’leăng mâ mơngế châ 170 rơtuh liăn/hơnăm, kơxô̆ rơpŏng rak a kơlo kơdroh 1 – 1,5%...

Tơmiât pêi troh hơnăm 2050, châ mâu pơkâ tơtro vâ chiâng pơlê kong kơdrâm ối tung Tơnêi têa tiô rơxông nếo, ai khôi túa lĕm tro, krúa lĕm, rơkê ƀă tơxâng rêh ối. Xuân tung hâi lơ 23/6, pôa Trần Lưu Quang hiăng veăng leh tơbleăng rơnêu bro lĕm Tơraih tơƀai Liên Khương (Lâm Đồng) chiâng tơraih tơƀai lâp plâi tơnêi. Hneăng hơnăm 2021 – 2030, Tơraih tơƀai Liên Khương châ râ tơraih tơƀai 4E ƀă tơraih tơƀai cheăng lêng râ II. Ivá pơto châ dâng 5 rơtuh tơmối ƀă 20.000 tâ̆n tơmeăm rêm hơnăm.