Hâi lơ 6/6, Hneăng hôp tơpui cheăng kâ  lâp plâi tơnêi St. Petersburg (Rusi) rôh má 27 hiăng troh hâi pêi cheăng má 2. Hneăng hôp pơxiâm po a hâi kố. Pôa Trần Lưu Quang Ngế pro xiâm phŏ hnê ngăn tơnêi têa pơkuâ djâ khu kăn Việt Nam veăng hôp hlối tối tơbleăng a hneăng hôp. Ƀă tơdroăng ki kal “Xiâm tơdroăng dêi lâp plâi tơnêi ai hên tơdroăng - chiâng ai mâu tíu mơnhông tơƀrê nếo’’, tung mâu hneăng hôp, mâu tơdroăng tơpui ‘na tơrŭm cheăng lâp plâi tơnêi ƀă tơdroăng kal kí lâp plâi tơnêi tiô hmâ sap ing nah kô châ tơpui hên.

Hneăng hôp kô tơbleăng mâu tơdroăng nhên vâ tơpui tơno tê mơdró tơƀrê ƀă mơnhông mâu khu mơdró krâ kơvâ ƀă kŭn. Pakĭng mê, hneăng hôp ai ƀai tơpui ‘na troăng rơhlâ kơjo kum khu mơdró, tơdroăng pâ thế ‘no liăn  cheăng mơjiâng tơmeăm khoăng  ƀă mâu túa pêi cheăng ki tơƀrê.

Hneăng hôp veăng ai hên mâu kăn xiâm rêm râ mâu kong têa, mâu kăn ngăn mơdró kâ ƀă mâu ngế cheăng khoa hok, teăng mâ mâu khu mơdró krâ kơvâ ƀă kŭn ƀă 18 rơpâu 600 ngế kăn lo ing 139 to kong têa ƀă tung kơpong tung lâp plâi tơnêi.