Tơbleăng a rôh pêi cheăng, pôa Trần Thanh Mẫn - Kăn xiâm hnê ngăn Kuô̆k hô̆i tối nhên, hnoăng cheăng pêi ki kal dêi Hải Phòng - cho pơlê kong kân ai kơno tuk, bo ki xiâm vâ prôk troăng têa kơxĭ hlối tơdjêp ƀă mâu troăng kân dêi lâp tơnêi têa dêi mâu kong pơlê pĕng kơnhŏng; ki ai tíu môi tiah Hải Phòng cho xiâm troăng prôk a têa ki kal ƀă ai tŭm 5 túa troăng, troăng têa kơxĭ, troăng têa vâ prôk troh mâu kong pơlê tung tơnêi têa, troăng rơxế lơ treng, troăng prôk a tơnêi, troăng tơƀai.

Malối ai pơxúa a kơno têa ki trâu xua mê tơdroăng chơ tơmeăm a troăng têa hlo tơƀrê. Kăn xiâm hnê ngăn Kuô̆k hô̆i pơkâ thế, Hải Phòng kơhnâ tơbleăng pêi Pơkâ pơlê kong kân ƀă 3 tơdroăng ki xiâm mơnhông tơƀrê ‘na tơdroăng tê mơdró a kơno tuk - logistics; kơmăi kơmok krúa lĕm, rơkê plĕng, pêi cheăng tiô túa nếo nôkố; tíu xiâm ôm hyô a têa kơxĭ lâp plâi tơnêi; mơnhông tơrŭm cheăng 3 kơpong mơnhông tơƀrê mê cho Hà Nội - Hải Phòng - Quảng Ninh tiô pơkâ 30 dêi Khu xiâm kal kí. Mơnhông ‘mâi hơ’lêh tơniăn lĕm hyôh kong prâi tơdroăng ‘no liăn tê mơdró kâ, mơnhông ‘mâi hơ’lêh pro hlá mơ-éa.