Xông tơpui a roh leh, pôa Trần Thanh Mẫn, Kăn xiâm hnê ngăn Kuô̆k hô̆i tối nhên, mâu troăng tơmiêt hnê mơhno ƀă mơnhên dêi pôa Nguyễn Phú Trọng, Kăn xiâm pơkuâ hnê ngăn Đảng ƀă hnoăng cheăng mơjiâng, pêi kêi đeăng Tơnêi têa pơkuâ tiô luât xah hô̆i chuh ngiah tối tơdjuôm ƀă pơhlêh nếo tơkŭm po, tơdroăng pêi cheăng dêi Kuô̆k hô̆i tối krê châ xo vế ing tơdroăng nôkố cho hên, mơhno troăng tơmiêt pêi la ngiâ tâi tâng dêi Kăn xiâm pơkuâ hnê ngăn Đảng; mơhno tơdroăng ki rak krá xiâm rêi chuh ngiah Mác – Lênin, troăng tơdjâ Hồ Chí Minh ‘na Tơnêi têa pơkuâ tiô luât xah hô̆i chuh ngiah.

Pôa Trần Thanh Mẫn, Kăn xiâm hnê ngăn Kuô̆k hô̆i pơkâ tung la ngiâ, Khu pơtâng tối tơdroăng kal Tơnêi têa pơkuâ tơrŭm ƀă Vi ƀan pơkuâ Kuô̆k hô̆i, Khu in mơ-éa Kal kí tơnêi têa tơdroăng ki khât ƀă mâu kơ koan chêh hlá tơbeăng tơkŭm pơtâng tối tơdroăng xiâm kơxop mơ-éa troh kơdrâm kăn ƀô̆, đảng viên, kuăn pơlê ƀă kuăn pơlê ƀă hên troăng, tơmiêt pêi rơkê, kal khât, châ tơƀrê.