Pơtroh ăm pôa Mohammad Bagher Ghalibaf, kăn xiâm hnê ngăn Kuô̆k hô̆i Tơnêi têa Kŏng hòa Islam Iran rơkong rơkâu hâk má môi, pôa Trần Thanh Mẫn, kăn xiâm hnê ngăn Kuô̆k hô̆i tơnêi têa pin tối phiu ro drêng hlo, tung pơla hdrối kố nah tơrŭm cheăng ƀă tơrŭm pơla Việt Nam – Iran tối tơdjuôm, pơla péa Kuô̆k hô̆i tối krê ôh tá pơtê châ ‘mâi mơnhông ƀă mơdêk tơniăn lĕm.

Pôa Trần Thanh Mẫn tơngah tiah kố, tung la ngiâ ah, tơrŭm cheăng pơla péa Kuô̆k hô̆i kô châ thăm mơdêk ó rơdêi tâ nếo, veăng kum ăm tơrŭm cheăng pơla Việt Nam – Iran rế hía rế mơnhông trâu hngế xua ki pơxúa dêi kuăn pơlê péa tơnêi têa.