A rôh tơdah, Kăn xiâm hnê ngăn Kuô̆k hô̆i tối nhên, tơrŭm tơroâ, tơrŭm pơla péa tơnêi têa tung mâu hơnăm hdrối mê hía nah ôh tá la lâi pơtê mơnhông tơƀrê. Việt Nam đi đo ngăn nhuô̆m ƀă rơhêng vâ tơrŭm cheăng tơnêi têa tung la ngiâ dêi Việt Nam – Indonesia mơdêk troh môi troăng ki nếo.

‘Na tơrŭm cheăng pơla kơ koan Kuô̆k hô̆i péa tơnêi têa, Kăn xiâm hnê ngăn Kuô̆k hô̆i tơnêi têa pâ thế, tung la ngiâ ah péa pâ thăm mơdêk trâm mâ, tối ăm dêi rơpó mâu tơdroăng ki rơkê plĕng pơla péa Kơ koan mơjiâng luât péa tơnêi têa, malối cho pơla mâu Vi ƀan cheăng dêi Kuô̆k hô̆i, mâu khu cheăng ‘na Kuô̆k hô̆i tơrŭm tơroâ, mâu vâi kơdrâi cheăng tung Kuô̆k hô̆i ƀă kuô̆k hô̆i hơnăm ối nếo.

Kăn xiâm phŏ hnê ngăn Kuô̆k hô̆i Indonesia tối nhên, Kuô̆k hô̆i Indonesia rơhêng vâ mơjiâng tơrŭm cheăng tơmiât troh la ngiâ, tối mâu tơdroăng ki rơkê ‘na cheăng kuô̆k hô̆i péa tơnêi têa ƀă tơrŭm pơla kuăn pơlê péa tơnêi têa.