Pôa Trần Thanh Mẫn, Kăn xiâm hnê ngăn Kuô̆k hô̆i mơnhên, khu râ kăn pơkuâ Kuô̆k hô̆i Việt Nam đi đo tơmâng ƀă kheăn kơdeăn hnoăng dêi Khu râ kăn séa mơnhên liăn ngân tơnêi têa Việt Nam tung tơdroăng mơdêk châ tơƀrê pơkuâ liăn ngân, tơmeăm tơnêi têa, châ hlo ƀă pơxâu phâk mâu tơdroăng pro xôi, mơdât châ lo pa kong liăn ngân tơnêi têa ƀă ki rơhêng vâ tối cho tơdroăng veăng gum tơdrăng lĕm, loi tơngah dêi liăn ngân tơnêi têa.

Kăn xiâm hnê ngăn Kuô̆k hô̆i pói vâ, Khu râ kăn séa mơnhên liăn ngân tơnêi têa Việt Nam pơtối mơ-eăm, hbrâ, cho kông tơdjêp ki kal veăng gum hên tâ mê nếo ăm tơdroăng mơnhông mơdêk tơdjuôm dêi khu râ kăn séa mơnhên liăn ngân tơnêi têa tung kơpong ƀă tung lâp plâi tơnêi; mâu kơ koan, mâu khu tơrŭm cheăng lâp plâi tơnêi, Khu râ kăn séa mơnhên liăn ngân dêi mâu kong têa tung kơpong ƀă lâp plâi tơnêi, môi tuăn Khu râ kăn séa mơnhên liăn ngân tơnêi têa Việt Nam kêi đeăng hnoăng cheăng châ khu râ kăn pơkuâ Đảng ƀă Tơnêi têa Việt Nam pơcháu xuân môi tiah pêi kêi đeăng mâu hnoăng ƀă mâu kong têa lâp plâi tơnêi.