A rôh tơdah, Kăn xiâm hnê ngăn Kuô̆k hô̆i tối rơdêi, tơrŭm pơla Kuô̆k hô̆i Việt Nam ƀă Kuô̆k hô̆i Châu Âu dế mơnhông tơniăn lĕm. Péa pâ hiăng ƀă dế kô pơtối tơrŭm krá tơniăn, veăng kum mơdêk tơrŭm cheăng pơla Việt Nam – EU ƀă malối cho tơpui tơno ăm dêi rơpó ki rơkê tung tơdroăng cheăng Kuô̆k hô̆i, pêi pro klêi troăng hơlâ luât vâ mơdêk tơbleăng tơƀrê tơdroăng Tơkêa Tê mơdró tơniăn krê Việt Nam – EU, ƀă tơdroăng ki pơkâ pêi kân má môi cho pro pơxúa kal khât ăm kuăn pơlê ƀă khu mơdró kâ péa pâ.

Pôa Trần Thanh Mẫn, Kăn xiâm hnê ngăn Kuô̆k hô̆ phiu rotơdroăng ki Vi ƀan ngăn Tê mơdró Lâp plâ tơnêi pơkâ mơ’no ‘na tơdroăng ki mơjiâng troăng hơlâ tơrŭm cheăng tơdjuôm pơla Kuô̆k hô̆i Việt Nam ƀă Kuô̆k hô̆i châu Âu. Péa pâ hiăng rak vế mâu rôh hôp tơpui tơno pơla mâu khu râ kăn Kuô̆k hô̆i Châu Âu ƀă kăn Kuô̆k hô̆i Việt Nam vâ mơdêk tơdroăng ki pêi pro tơƀrê Tơkêa Tê mơdró tơniăn krê Việt Nam – EU, veăng kum tơdjuôm tung tơdroăng mơnhông mơdêk tơrŭm cheăng Việt Nam – EU.