Kăn xiâm hnê ngăn Kuô̆k hô̆i tối nhên, Việt Nam ngăn nhuô̆m tơrŭm cheăng tơrŭm tơroâ, tơrŭm tung hên kơvâ cheăng ƀă Maroc, rơhêng vâ tơrŭm cheăng tung hên kơvâ vâ péa pâ rơtế mơnhông; rơkâu Maroc châ rơhéa mâu tơdroăng cheăng kân ‘na cheăng kâ rêh ối pơlê pơla tung pơla hdrối nah, malối cho kong têa cheăng kâ kân má 5 a kơpong châu Phi.
Pôa Trần Thanh Mẫn, Kăn xiâm hnê ngăn Kuô̆k hô̆i tối tiah kố, Kuô̆k hô̆i Việt Nam ƀă Kuô̆k hô̆i râ má péa, Kuô̆k hô̆i râ má péa Maroc hiăng môi tuăn tŏng kum dêi rơpó a Hneăng hôp Kuô̆k hô̆i Châu Á - Thái Bình Dương, Khu tơrŭm Kuô̆k hô̆i lâp plâi tơnêi. Tung la ngiâ ah, Kăn xiâm hnê ngăn Kuô̆k hô̆i pơkâ thế, Kuô̆k hô̆i péa tơnêi têa rak vế pơtroh mâu khu râ kăn ƀă po mâu rôh trâm mâ khu râ kăn xiâm, rêm râ vâ tối ăm dêi rơpó mâu tơdroăng ki rơkê plĕng tung hnoăng cheăng mơjiâng luât; tơrŭm krá tơniăn a mâu hneăng hôp ki hên kơvâ, tơrŭm Kuô̆k hô̆i tung kơpong ƀă a kong têa ê.
Viết bình luận