Tơpui a rôh po hneăng hôp, pôa Trần Thanh Mẫn, Kăn xiâm hnê ngăn Kuô̆k hô̆i mơnhên tối, tơdroăng cheăng dêi Hô̆i đong hnê ngăn pơlê kong kân Hải Phòng ing apoăng hneăng troh nôkố ai hên hơ’lêh nếo, tơmiât rơkê, mơdêk ki rơkê plĕng tung pêi cheăng tro tiô troăng rế hía rế rơkê khât, tơƀrê, châ hên tơdroăng ki mơnhông.

Tung la ngiâ, pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế rêm râ Đảng, khu kăn pơkuâ, Măt trâ̆n, rêm râ pơtối tơbleăng châ tơƀrê tơdroăng ki pêi pro Pơkâ Hneăng hôp Đảng lâp tơnêi têa rôh má 13, Pơkâ 16 dêi Khu pơkuâ ngăn Đảng ƀô̆ pơlê kong kân, Pơkâ hneăng hôp má 7 dêi Kuô̆k hô̆i hneăng 15, tối mâu tơdroăng pơkâ, hnoăng cheăng tung mơnhông cheăng kâ rêh ối pơlê pơla, rak vế tơniăn cheăng lêng, hnoăng gâk kring.

Hải Phòng kal mơnhên tíu ối, tơdroăng ai hlâu, ki pơxúa vâ mơdêk châ ƀă tơkâ luâ mâu tơdroăng pơkâ cheăng kâ rêh ối hơnăm 2024. Veăng gum ăm lâp tơnêi têa châ mơdêk ƀă pêi klêi mâu tơdroăng pơkâ, hnoăng cheăng dêi Pơkâ Kuô̆k hô̆i tung hơnăm 2024.