Vêh tối nếo mâu tơdroăng mơnhông cheăng kâ-rêh ối dêi tơnêi têa ƀă dêi kong pơlê Bình Phước tối krê, pôa Trần Thanh Mẫn, Kăn xiâm hnê ngăn Kuô̆k hô̆i, tung tơdroăng cheăng ki tơƀrê mê, veăng ai hnoăng veăng ‘no dêi Hô̆i đong hnê ngăn kong pơlê, môi tuăn rơtế ƀăng, pêi tá hiâm tuăn, pêi tá hnoăng cheăng dêi mâu kăn Kuô̆k hô̆i hneăng 15 kong pơlê Bình Phước.

Hô̆i đong kong pơlê Bình Phước hiăng tơmâng khât troh kăn pơkuâ, hnê mơhno dêi xiâm tơnêi têa ƀă ai hên pơ’lêh nếo tung tơdroăng cheăng pêi, ki tơƀrê dêi tơdroăng cheăng Hô̆i đong kuăn pơlê rêm râ ôh tá la lâi pơtê mơnhông, pơ’lêh nếo ‘na tơdroăng pêi pro ƀă tơdroăng ki kal. Pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế kong pơlê Bình Phước tơrŭm krá pơla mơnhông cheăng kâ - túa lĕm tro, pơlê pơla ƀă pro tơniăn cheăng lêng, kring tơniăn, malối tơpui kâ troăng tơkăng kong hơniâp lĕm, tơrŭm, mơnhông ƀă kong têa pú; tơmâng tơdroăng rêh ối tơmeăm khoăng tuăn ngôa ăm kuăn pơlê, malối cho hdroâng kuăn ngo a kong pơlê; pêi pro tro tơdroăng rêh ối, ki pơxúa, rak ngăn mơngế ai hnoăng ƀă kăch măng.