Pôa Trần Thanh Mẫn Kăn xiâm hnê ngăn Kuô̆k hô̆i hiăng  diâp huy hiệu 40 hơnăm cheăng đảng ăm pôa Nguyễn Đức Hải, Kăn phŏ hnê ngăn Kuô̆k hô̆i; pôa Bùi Văn Cường Kăn hnê ngăn Đảng ủy  kơ koan  diâp Huy hiệu 30 hơnăm cheăng Đảng ăm đảng viên Đặng Vũ Hải, Phŏ ngăn Kuăn ngo.

Tơbleăng rơkâu mâu đảng viên rôh leh, pôa Trần Thanh Mẫn tối, inâi kơnía git 40 hơnăm ƀă 30 hơnăm cheăng Đảng  cho tơdroăng ki mơnê, mơhno, khê̆n kơdeăn hnoăng cheăng veăng ‘no dêi 2 ngế tung tơdroăng pêi cheăng dêi kăch măng dêi Đảng. Pôa Trần Thanh Mẫn Kăn xiâm hnê ngăn Kuô̆k hô̆i púi vâ, mâu đảng viên châ pơcháu Huy hiệu Đảng, pơtối pêi hnoăng cheăng tâ hiâm mơno vâ mơdêk ki tơbrê tug tơdroăng cheăng Kuô̆k hô̆i, Vi ƀan pơkuâ Kuô̆k hô̆i, Hô̆i đong kuăn ngo, mâu Vi ƀan Kuô̆k hô̆i, mâu Vi ƀan pơkuâ Kuô̆k hô̆i tung mơjiâng luât, séa ngăn, pơkâ mâu tơdroăng kal dêi tơnêi têa, veăng ơjiâng tơnêi têa tro tiô luât xah hô̆i chuh nghiah dêi kuăn pơlê, xua kuăn pơlê ƀă ing kuăn pơlê.