Tơbleăng a leh tơbâ, pôa Trần Thanh Mẫn, Kăn xiâm hnê ngăn Kuô̆k hô̆i tối, riân ngăn liăn tơnêi têa rế rơkê, rế rơdêi, veăng mơjiâng khu riân liăn ngân tơnêi têa pêi cheăng tơdrăng lĕm, krá kâk, pêi tơƀrê ăm tơdroăng mơnhông cheăng ƀă kơmăi kơmok túa nếo nôkố hlối tơrŭm ƀă lâp plâi tơnêi dêi tơnêi têa.

Pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế Khu cheăng riân ngăn liăn ngân tơnêi têa thế rơkê plĕng ‘nâi tŭm tơdroăng ƀă pêi tro tiô troăng rơhlâ, troăng vâ pêi dêi Đảng, Pơkâ dêi Kuô̆k hô̆i ƀă mơnhông cheăng kâ rêh ối, cheăng lêng, kring tơniăn ƀă tơpui kâ, hnê mơhno rak ngăn, pơkuâ dêi Chin phuh ‘na liăn ngân tơnêi têa, luât pơkâ tài khóa, liăn ngân; rah xo ƀă tơkŭm pêi ahdrối mâu pơkâ ki xiâm dêi troăng rơhlâ mơnhông riân liăn tơnêi têa troh hơnăm 2030.