Péa pâ  vâ môi tuăn tơbleăng pêi tơƀrê “Tơbleăng tơdjuôm ‘na pơtối pro trâu rơdâ ƀă mơdêk ki kal tung tơrŭm cheăng tŭm tơdroăng, mơjiâng Khu kuăn pơlê veăng hnê tối tung la ngiâ Việt Nam - Sinuâ ai pơxúa tung tŭm tơdroăng”; pơtối rak hnoăng cheăng Kuô̆k hô̆i ƀă mâu kăn kuăn pơlê tung tơrŭm cheăng pơla péa tơnêi têa.

Pôa Vương Đình Huệ, Kăn xiâm hnê ngăn Kuô̆k hô̆i pơkâ thế péa pâ mơdêk tơrŭm mơnhông tơƀrê, mơdêk tâ nếo ki tơbrê, pơxúa tơrŭm cheăng tung mâu kơvâ cheăng. Pôa Vương Đình Huệ - Kăn xiâm hnê ngăn Kuô̆k hô̆i púi vâ péa pâ rơtế mơjiâng um méa ‘no liăn cheăng ki nếo dêi mâu khu mơdró kâ, ai ivá pơkuâ ngăn, nhoăm pâ, kơmăi kơmok Sinuâ a Việt Nam.

Klêi mơgêi hôp tơpui tơno, pôa Vương Đình Huệ - Kăn xiâm hnê ngăn Kuô̆k hô̆i ƀă pôa pôa Triệu Lạc Tế Ngế cheăng xiâm ‘na mâu kăn  hiăng kĭ hlá mơ-éa tơhrâ tơrŭm cheăng pơla Kuô̆k hô̆i Việt Nam ƀă Hneăng hôp mâu kăn kuăn pơlê tung lâp tơnêi têa Cộng hòa Nhân dân Trung Hoa.

Tung hâi lơ 8/4, pôa Vương Đình Huệ - Kăn xiâm hnê ngăn Kuô̆k hô̆i tơdah kăn xiâm mâu Grup ki má môi ngăn ‘na troăng prôk, troăng rơxế lơtreng, on tơhrik dêi Sinuâ; lăm pôu ngăn Tíu xiâm tí tăng ‘nâi plĕng ƀă Mơnhông tơƀrê dêi Grup Huawei.