Hneăng lăm pôu păng 'nâng kố hiăng ai lối 40 tơdroăng cheăng ki păng ‘nâng ƀă hên mâu tơdroăng ki ê ki po pá kĭng hneăng hôp kân xiâm po a pơlê kong xiâm Bắc Kinh, pơlê kong kân Thượng Hải ƀă kong pơlê Vân Nam.

Cho kăn xiâm dêi Đảng ƀă Tơnêi têa, hneăng lăm pôu pêi cheăng dêi pôa Vương Đình Huệ ti xê to vâ veăng kum ăm tơrŭm cheăng krá khâp pơla péa kơ koan ki mơjiâng luât mê ối cho ki vâ pêi pro, hnoăng pôu râng hnoăng cheăng tơrŭm pơla péa Đảng, péa tơnêi têa tung hên kơvâ cheăng, ing cheăng kal kí, cheăng lêng, kring vế, gak ngăn, tơrŭm cheăng ki păng ‘nâng, maluâ cho tơdroăng pêi cheăng kâ - tê mơdró, mơ’no liăn, tơdjêp pơla troăng prôk, tơrŭm cheăng hên túa, hên pơlê cheăm, tơrŭm pơla kuăn pơlê dêi péa pâ tơnêi têa.

Ƀă hên hnoăng cheăng pêi pro mê, ki khât, hneăng lăm pôu păng ‘nâng a kong têa Sinuâ dêi pôa Vương Đình Huệ pơtối cho hvêa chêng ki kal kân khât vâ veăng mơdêk peá pâ tơnêi têa mơhno tối tơdroăng ki veăng kum ki kal kân khât, ki păng ‘nâng dêi kơ koan ki mơjiâng luât ƀă tơdroăng ki mơnhông tâi tâng tơrŭm cheăng pơla peá Đảng, péa tơnêi têa Việt Nam ƀă Sinuâ.