Tối nhên, tơdroăng cheăng ‘mâi mơnhông tơdroăng cheăng lêng, rak vế krá rơdêi Tơnêi têa cho hnoăng cheăng kal kí ki kal dêi khu lêng pin, châ Đảng, Pôa Hồ ƀă Kuăn pơlê pơcháu; dế pơkâ mơ’no mâu tơdroăng pơkâ thế ki nếo, hngăm ƀă khên tơnôu tung chal nếo, pôa Phạm Minh Chính, Ngế pro xiâm hnê ngăn tơnêi têa tối nhên,  Đảng, Tơnêi têa loi ƀă rơhêng vâ kăn ƀô̆, lêng tâi tâng khu lêng pơtối mơdêk khôi túa kăch măng, khôi hmâ khên tơnôu dêi Khu lêng kuăn pơlê Việt Nam hiăng hlâ rêh.

Klêi mê, thăm tơrŭm, hơ’lêh nếo, pôu râng dêi hnoăng cheăng, khŏm mơdêk khât, pêi klêi rơkê mâu hnoăng cheăng châ pơcháu, tơxâng ƀă inâi “Mố đô̆i Pôa Hồ”, tơxâng ƀă rơkong hnê pơchân dêi Pôa Hồ: “Hnoăng cheăng ki lâi xuân pêi klêi, xơpá ki lâi xuân kâi tơkâ, khu ‘mêi ki lâi xuân plâ ƀlêi chiâng”; tơxâng ƀă tơdroăng loi tơngah, pâ nhuô̆m dêi Đảng, Tơnêi têa ƀă Kuăn pơlê.