Ing hơnăm 2020 nah troh nôkố, ƀă hnoăng cheăng cho Kăn teăng mâ Singapore a Pơlê kong kân Hồ Chí Minh, pôa Kho Ngee Seng Roy đi đo mơ-eăm tung tơdroăng ki pro tơ’lêi hlâu tŏng kum ăm Chin phuh, khu mơdró kâ ƀă kuăn pơlê Singapore, veăng tơkum 1,5 rơtuh dollars ƀă mâu kế tơmeăm xúa tung khăm pơlât ăm Pơlê kong kân Hồ Chí Minh ing Khu râng vaccine dêi Việt Nam.

Tơdrêng amê hlối tơrŭm krá tơniăn ƀă mâu kơ koan cheăng dêi Việt Nam, malối cho Pơlê kong kân Hồ Chí Minh tơkŭm po hên tơdroăng tơpui kâ kuăn pơlê pơla péa pâ, tung mê, ai leh tơbâ 50 hơnăm tơrŭm cheăng tơpui kâ pơla Việt Nam ƀă Singapore, 10 hơnăm mơjiâng tơrŭm cheăng tơnêi têa tơrŭm tung la ngiâ pơla 2 tơnêi têa.

Pôa xuân veăng kum tơkŭm po mâu rôh trâm mâ ki kal ƀă mâu khu râ kăn xiâm, tung mê ai rôh trâm xua pôa Halimah Yacob, kăn xâm pơkuâ kong têa Singapore pơkuâ djâ apoăng hnăm 2022. Mâu ivá mơ-eăm dêi pôa hiăng mơdêk mâu tơrŭm cheăng tung mâu kơvâ cheăng tê mơdró, ôm hyô, hnê hriâm, túa lĕm tro ƀă mâu tơdroăng tơrŭm cheăng ƀă kuăn pơlê.