Tơkŭm po sap ing kơmăng lơ 10/4 troh tâi hâi lơ 12/4, hên tơdroăng ki kal khôi túa lĕm tro Vi ƀan pơlê kong kơdrâm Kon Tum tơkŭm po vâ tơdjêp, mơhnhôk tơdroăng ôm hyô pơla 5 pơlê kong kơdrâm: Kon Tum, Plei Ku (Gia Lai), Ƀuôn Ma Thuột (Dak Lak), Gia Nghĩa (Dak Nông) ƀă Tuy Hoà (Phú Yên).

Ing tơdroăng tơkŭm po hên tơdroăng kal khôi túa lĕm tro, môi tiah: mơđah tơbleăng um, tơ’noăng pế pơchên hmê kơchâi kâ; tơ’noăng mơngiơk ếo pơtâk hdroâng kuăn ngo; kơmăng mơngiơk tơdroăng xah nhak; tơbleăng, mơđah tơmeăm OCOP ƀă hía hé, pơlê kong kơdrâm Kon Tum tơbleăng ƀă kuăn pơlê, tomối ôm hyô ki lĕm, tơmeăm ki ai hlâu, tơmeăm ki rơdêi dêi 5 pơlê kong kơdrâm.

Pôa Nguyễn Thanh Mân, Kăn hnê ngăn Vi ƀan pơlê kong kơdrâm Kon Tum, tối ăm ‘nâi kố cho roh tơ’lêi vâ mâu pơlê kong kơdrâm tơbleăng um méa, tơdjêp, mơhnhôk ôm hyô ƀă mơhnhôk mơ’no liăn cheăng.