Châ pôa Nguyễn Phú Trọng – Kăn xiâm pơkuâ hnê ngăn Đảng châ ‘măn tung poăng a Hngêi mơdâm ki kân dêi Tơnêi têa kơxô̆ 5 Trần Thánh Tông, Pơlê kong kân Hà Nội.

Leh pôu ngăn pôa Nguyễn Phú Trọng châ tơkŭm po a Hngêi Mơdâm ki kân dêi Tơnêi têa kơxô̆ 5 Trần Thánh Tông, Pơlê kong kân Hà Nội, pơxiâm sap 7 chôu troh 22 chôu hâi lơ 25 khế 7 hơnăm 2024 ƀă sap 7 chôu troh 13 chôu hâi lơ 26 khế 7 hơnăm 2024.

Leh tơbâ hnoăng pôa Nguyễn Phú Trọng châ tơkŭm po a 13 chôu hâi lơ 26 khế 7 hơnăm 2024 a Hngêi mơdâm ki kân dêi Tơnêi têa kơxô̆  5 Trần Thánh Tông, Pơlê kong kân Hà Nội.

Leh ‘mé a 15 chôu hâi ki mê a ilâng kiâ Mai Dịch, Pơlê kong kân Hà Nội.

Leh pôu ngăn, Leh tơbâ hnoăng pôa Nguyễn Phú Trọng châ tơkŭm po hâi ki mê a Hngêi hôp kân Thống Nhất, Pơlê kong kân Hồ Chí Minh ƀă a pơlê xiâm tơná pôa cheăm Đông Hội, tơring Đông Anh, Pơlê kong kân Hà Nội.

Tíu mơ’no Um Tơvi xiâm Việt Nam ƀă Rơ’jíu xiâm Việt Nam kô mơ’no mơđah tơdrêng Leh pôu ngăn, Leh tơbâ hnoăng ƀă Leh ‘mé pôa Nguyễn Phú Trọng - Kăn xiâm pơkuâ hnê ngăn tơnêi têa a Hà Nội, Pơlê kong kân Hồ Chí Minh.

Tung péa hâi Mơdâm (25/7/2024 và 26/7/2024), mâu kơ koan, tíu pêi cheăng kơtúa hlá cơ kơ’rop, ôh tá chiâng tơkŭm xah hêi ro ki tơdjuôm dêi tơnêi têa.