Tung kơxô̆ kố, ai 3 ngế tro rong râ ó hiăng châ pâ pơlât a Hngêi pơkeăng kân Kon Tum, pơtroh lăm a Pơlê kong kân Hồ Chí Minh ƀă pơtối châ mot pơlât. Tơdroăng pơtroh mâu ngế tro rong châ pêi pro tiô tơdroăng pói vâ dêi rơpŏng ƀă khu râ kăn pơkuâ Kơ koan xiâm kơchơ mơdró Pơlê kong kân Hồ Chí Minh.

Hdrối mê, kơxê hâi lơ 13/4, rơxế pơto khu râ kăn veăng lăm ngăn dêi Kơ koan xiâm pơkuâ kơchơ mơdró Pơlê kong kân Hồ Chí Minh ai 21 ngế drêng prôk lăm a troăng kân tơnêi têa 24 troh kơpong thôn Đăk Puih, cheăm Đăk Tờ Re, tơring Kon Rẫy, kong pơlê Kon Tum mê trâm xía vâ.

Roh tơklâm pro pôa Nguyễn Thành Triệu hlâ tơdrêng amê ƀă 24 ngế, tung mê ai 20 ngế dêi khu lăm hêi, 2 ngế vê rơxế kân ƀă rơxế pơto tơmối, 1 ngế nhŏng o dêi ngế vê rơxế kân ƀă 1 ngế hnê mơhno ôm hyô tro rong.