Apoăng khế 3 kố nah Đảng [o#, mâu kăn [ă kuăn pơlê cheăm Yaly, tơring Sa Thầy tơdah xo hlá mơ-éa Pơkâ dêi Vi [an hnê ngăn kuăn pơlê kong pơlê Kon Tum mơnhên cheăm Yaly mơjiâng thôn pơlê nếo. Pôa A Thoải, kăn hnê ngăn Chi [o# hlối pro kăn thôn Chứ, cheăm Yaly vâ môi tuăn [ă tơdroăng hiăng pêi pro mê. Xua tung hên hơnăm hdrối nah pôa hiăng  djâ troăng ahdrối rơtế [ă mâu chi [o# mơ-eăm hnê, mơhnhôk 262 rơpo\ng kuăn pơlê thôn Chứ pơ’lêh tuăn tơche#ng tơmiêt, túa pêi cheăng hlối mơnhông cheăng kâ dêi rơpo\ng hngêi, hlối kơhnâ veăng pêi tơdjuôm tơdroăng cheăng dêi pơlê veăng ‘no hnoăng  mơjiâng thôn pơlê nếo. Pôa A Thoải ăm ‘nâi, tung tơdroăng mơhnhôk kuăn pơlê, kal  má môi cho thế kơdôu mơ-eăm pêi cheăng, hnê kuăn pơlê hlê, hlối tro [ă tuăn mơngế:

‘’ Rôh apoăng hên ngế xuân hâi hlê, klêi mê xâu lơ lup, klêi mê nếo xuân ‘nâi tơmiêt troh ki pơxúa tơdjuôm. Mâu đảng viên tung chi [o# xuân kơhnâ hnê tối, mơhnhôk kuăn pơlê khên xúa túa pêi cheăng ki nếo tung pêi chiâk deăng [ă tơmâng khât troh tơdroăng ăm dêi kuăn ‘ne\ng hriâm’’.

Kơ’nâi 12 hơnăm mơ-eăm [ă tơdroăng pơkâ mơjiâng thôn pơlê nếo, cheăm Yaly, tơring Sa Thầy mơhnhôk  tăng châ lối 30 rơtal liăn pro troăng tung pơlê, pro troăng cho mơ’no têa, mơjiâng pro hngêi trung, lâm hriâm [ă kơjo kum kuăn pơlê mơnhông cheăng kâ. Tơdrêng amê  3 kuăn ngo a:  pơlê Chứ, Tum [ă Chờ nôkố ôh pá hlo xếo hngêi pro pơtân, hngêi xhi kơchoh. Kơxo# rơpo\ng kơtiê dêi cheăm xăm bu ối pá xôp 8%, pê lo liăn riên rêm ngế châ lối 42 rơtuh liăn. Kăn hnê ngăn đảng ủy cheăm Ya Ly Phan Chí Thiện  nôkố tối, vâ châ tơ[rê [ă châ ối má môi tung mơjiâng thôn pơlê nếo ki ai hnoăng kal dêi kan hnê ngăn chi [o# 3 pơlê  kuăn ngo ki má lối cho kăn hnê ngăn chi [o pơlê A Thoải:

‘’Tung tơdroăng mơjiâng thôn pơlê nếo xuân môi tiah mâu tơdroăng cheăng pêi dêi cheăm mê pôa A Thoải tơbleăng pêi kơtăng. Pôa A Thoải hnê ăm mâu rơpo\ng ki ai kơdroăng păn ro ôh tá krúa thế xe#n pro tíu ê. Mơhnhôk kuăn pơlê pleăng tơnêi vâ pro troăng mơjiâng thôn pơlê nếo. Klêi mê tơdrêng [ă Chi [o# pêt reăng vâ le\m mơnâ mâ ngăn ăm hyôh kong prâi krúa le\m há’’.

Ki khât ăm hlo mâu kăn hnê ngăn Chi [o#  mâu thôn pơlê, kuăn ngo a kong pơlê Kon Tum ai hnoăng cheăng pêi ki kal tung tơdroăng mơjiâng Đảng [ă tơdroăng cheăng mơnhông cheăng kâ rêh ối a pơlê cheăm. Tơdoăng kố thăm  mơhno ăm hlo drêng pêi pro tiô troăng pơkâ pơ’lêh hnoăng cheăng dêi Kăn hnê ngăn hlối pro kăn thôn, troh nôkố, kong pơlê Kon Tum hiăng ai 420/756 kăn hnê ngăn chi [o# hlối pro kăn thôn, tôh trương tôh dân pho#. Kăn hnê ngăn Chi [o# A Sao, hlối pro kăn thôn Kon Teo Đăk Lấp, cheăm Đăk Long, tơring Đăk Hà ăm ‘nâi, tơdroăng cheăng pêi hên tâ la tơ’lêi tung  tơdroăng hnê mơhno, pêi tơdroăng cheăng dêi thôn. Sap tơdroăng kơhnâ pêi djâ troăng ahdrối  dêi A Sao [ă 1 rơpâu 200 pơ’leăng mâ mơngế  Rơteăng thôn Kon Teo Đăk Lấp mâu hơnăm achê kố hiăng khên kơdroh chêk pêt pôm, alâi, chói báu mơnhông deăng pêt kơphế, kơxu [ă loăng prâi kâ:

 ‘’Hnoăng cheăng cho ngế pơkuâ a thôn a mơ-eăm mơhnhôk kuăn pơlê ki ai kơdrum xúa tung păn mơnăn, pêt loăng plâi kâ. A thế chiâng pêi mê pin hnê tối ah kuăn pơlê chiâng pêi há. Pro ăm kuăn pơlê hlo, chiâng pro tiô, veăng pro ăm dêi thôn pơlê tơná  chôa lâng kơdroh kơ klêa xăm kơtiê krá tơniăn’’.

Vâ pơtối rak hnoăng cheăng dêi kăn hnê ngăn chi [o# a mâu  thôn, pơlê hdroâng kuăn ngo tung mơjiâng thôn pơlê nếo, mâu đảng [o#  cheăm a kong pơlê Kon Tum đi đo tơmâng khât troh tơdroăng hnê, hriâm tơ’nôm [ă po ngăn mâu tơdroăng ki nếo vâ mâu kăn hnê ngănn chi [o# ‘nâi nhên troăng rơhlâ, hlối ai tu\m ivá hnê mơhno, rơkong tơpui ko\ng hlối pêi hnê kuăn pơlê pêi cheăng kâ. Pôa Trần Ngọc Trực, Kăn hnê ngăn Đảng ủy cheăm Đăk Long, tơring Đăk Hà ăm ‘nâi troăng rơhlâ ki đảng ủy cheăm hiăng pêi pơtối hnoăng cheăng  dêi 5 kăn hnê ngăn chi [o# thôn kuăn ngo tung mơjiâng [ă po rơdâ túa mơnhông cheăng kâ tung rơpo\ng hngêi:  

‘’ Ing tơdroăng cheăng pơkuâ, hnê mơhno, Đảng ủy tơku\m po mâu rôh ăm mâu kăn hnê ngăn chi [o# ngăn, hriâm mâu túa pêi cheăng ki tro ‘ló. Pơla mê tơbleăng pêi châ 5 túa pêi cheăng vâ mơnhông cheăng kâ mơdêk pê lo liăn ăm kuăn pơlê kuăn ngo. Kơxo# rơpo\ng kơdroh kơ klêa xăm kơtiê  hên tâng vâ pơchông [ă mâu hơnăm hdrối. Kơxo# rơpo\ng rế kro mơdro\ng tâk hên’’.

Troh nôkố, kong pơlê Kon Tum  hiăng ai 44 to cheăm châ mơnhên thôn pơlê nếo, tung mê ai 4 to cheăm châ mơnhên thôn pơlê nếo ki mơdêk tơ-[rê [ă 1 cheăm châ mơnhên thôn pơlê nếo pêi cheăng tiô túa. Mơhé mâu thôn, pơlê kuăn ngo a kong pơlê Kon Tum ki hên to a mâu pơlê cheăm kơpong hngế, hngo la troh nôkố xuân hiăng ai 45 to thôn, pơlê châ mơnhên tối thôn pơlê nếo. Vâ tơdroăng mơjiâng thôn pơlê nếo a kơpong kuăn ngo tung kong pơlê hên ki pơ’lêh  tơbrê, tơdroăng rêh ối [ă pêi cheăng kâ dêi kuăn pơlê pơ’lêh tơ-[rê ai hlá  cờ ki djâ troăng ahdrối dêi Kăn hnê ngăn chi [o# a mâu thôn pơlê./.