Pơxiâm po hneăng hôp má 17, Hô̆i đong pơlê kong kân Hồ Chí Minh hneăng má X, hneăng hơnăm 2021 – 2026
Thứ ba, 09:04, 16/07/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Xông tơpui pơxiâm po hneăng hôp má 17, Hô̆i đong pơlê kong kân Hồ Chí Minh hneăng má X, hneăng hơnăm 2021 – 2026, kơxo lơ 15/7, pôa Nguyễn Văn Nên, Kăn pơkuâ hnê ngăn cheăng Đảng pơlê kong kân Hồ Chí Minh tối ăm ‘nâi, hnoăng cheăng tung pơla kố nah dêi hơnăm xuân môi tiah dêi plâ hneăng cheăng cho hngăm hngo, pơkâ thế tâi tâng kal mơ-eăm, mơ-eăm hên tâ mê nếo tung la ngiâ.
Pôa Nguyễn Văn Nên, Kăn pơkuâ hnê ngăn cheăng Đảng pơlê kong kân mơnhên, hneăng hôp má 17 ai hên tơdroăng ki kân ki kơnâ cho kal khât vâ pêi pro mâu pơkâ mơnhông cheăng kâ - rêh ối pơlê pơla, mơdêk tơdroăng rêh ối kuăn pơlê dế nôkố, iâ khế ƀă ton hơnăm. Kăn pơkuâ hnê ngăn cheăng Đảng Pơlê kong kân Hồ Chí Minh tối ăm ‘nâi, tơdroăng la ngiâ cho hngăm ƀă tơdroăng cheăng cho kân, kal khât cho pêi pro mâu troăng pơkâ pêi, mâu tơdroăng pơkâ dêi Tơnêi têa, Kuô̆k hô̆i, Chin phuh vâ mơjiâng luât ăm mâu tơdroăng pêi dêi pơlê kong kân.
A ngiâ cho thâ pơtâng tối, tơbleăng mâu mơ-éa ối tung hnoăng vâ pêi pro mâu Pơkâ, Luât tơbleăng a hneăng hôp Kuô̆k hô̆i pơla kố nah; pêi pro tiô Pơkâ 84 ‘na mơnúa xing xoăng râ pơkuâ vâ pêi pro Pơkâ 98.
Viết bình luận