Tung 6 khế apoănghơnăm, tơdroăng cheăng kâ rêh ối dêi kong pơlê Dak Lak pơtối rak vế ƀă mơnhông. Ki hên mâu tơdroăng pơkâ pêi ai kơlo mơdêk chía tơniăn, mơhnhôk kơxô̆ liăn ‘no pêi cheăng tung lâp pơlê pơla, tâi tâng kơlo tê ‘ngré mâu tơmeăm khoăng, tâi tâng kơxô̆ liăn châ xo ing tê tơmeăm ngi kong têa ê, tâi tâng kơxô̆ liăn châ xo ing ôm hyô tâk tâng pơchông ƀă khế kố hơnăm hdrối.

Mâu tơdroăng mơhno túa lĕm tro, tơpui kâ, tơdroăng rêh ối pơlê pơla pơtối châ tơmâng mơdêk rơdêi, ki xiâm cho mâu tơdroăng ki tơ’noăng koh tơbâ 12 hơnăm hâi mơjiâng kong pơlê. A hneăng hôp kố, mâu kăn Hô̆i đong hnê ngăn kong pơlê Dak Lak tơkŭm tơpui, séa ngăn, têk kŏng ƀă 21 kơxop hlá mơéa pơkâ; mê cho: Khu pơkâ ki tơdjâk troh kơvâ cheăng kâ, ‘no liăn cheăng tơdjuôm, tơnêi tơníu; khu Pơkâ tơdjâk troh mâu Tơdroăng pơkâ dêi tơnêi têa; khu tơdroăng pơkâ tơdjâk troh kơvâ pơlê pơla ƀă mâu troăng tŏng kum ai tơdjâk troh; khu Pơkâ ‘na klêi kơ’nâi séa ngăn ‘na tơdroăng dêi Hô̆i đong hnê ngăn kong pơlê hơnăm 2024 ƀă tơdroăng séa ngăn dêi Hô̆i đong hnê ngăn kong pơlê hơnăm 2025 ƀă mâu tơdroăng pơkâ ki ê.