Pôa Trần Thanh Mẫn, Kăn xiâm hnê ngăn Kuô̆k hô̆i tối tơbleăng pơxiâm hôp ƀă mâu kăn xiâm phŏ hnê ngăn Kuô̆k hô̆i pơhlêh pơkuâ tơdroăng kal dêi rôh hôp. A rôh hôp kô, Vi ƀan pơkuâ cheăng Kuô̆k hô̆i kô séa ngăn, ăm hnê tối hên tơdroăng kal pơtroh ăm Kuô̆k hô̆i a rôh hôp má 7.

‘Na tơdroăng  mơjiâng luât, tung rôh hôp kố, Vi ƀan pơkuâ cheăng Kuô̆k hô̆i mơdoh hên chôu vâ ăm hnê tối ‘na tơdroăng tối nhên, tơmâng xo, ‘mâi pơhlêh luât tơniăn ‘na troăng prôk; ăm hnê tối mơnhên mâu tơdroăng, tơmâng xo, ‘mâi hơ’lêh tơdroăng chêh ‘na Luât dêi Pơlê kong xiâm (‘mâi hơ’lêh)...

‘Na tơdroăng pơkâ mâu tơdroăng ki kal, Vi ƀan pơkuâ cheăng Kuô̆k hô̆i kô ăm hnê tối ‘na pơkâ pơlê kong xiâm Hà Nội tung pơla hơnăm 2021-2030, hnoăng cheăng vâ pêi troh a hơnăm 2050 ƀă ‘Mâi rơnêu Pơkâ tơdjuôm Pơlê kong xiâm Hà Nội troh hơnăm 2045, hnoăng cheăng troh hơnăm 2065; séa ngăn, pơkâ ‘na troăng rơhlâ, xúa kơxô̆ liăn tâk xo,’măn kơdĭng hrê rêm khế dêi liăn ngân xiâm tơnêi têa hơnăm 2023 ƀă hên tơdroăng kal ki ê.