Troăng kơphô̆ prôk chêng Trần Quốc Toản drô troăng kân pa kĭng long Xuân Hương ƀă plông xah Golf Đồi Cù drêh lĕm to nhâ, troh a Kơdrum reăng pơlê kong kơdrâm Đà Lạt, troăng mê tâi tâng xŏn 1,6km. Tung kơphô̆ prôk chêng châ Vi ƀan kuăn pơlê dêi Pơlê kong kơdrâm Đà Lạt mơhno ăm pro mâu plông hơdruê xuâng kŭn vâ mơđah hơdruê xuăng ăm kuăn pơlê ƀă tơmối ngăn; mê cho: mơđah rêi guitar ƀă hlŭm kĕng harmonica, rêi violin, tuih rumba, ngăn tíu hriăn pro mâu tơmeăm vâ xúa tơdroăng ‘na hơdruê xuăng, mâu khu mơđah hơdruê xuăng ôh tơniăn ukố umê tá pơkâ...

Hâi chôu dêi kơphô̆ prôk chêng sap hâi lơ 18h troh 22 chôu tung mâu hâi pơtăm, hâi tơdrốu ƀă hâi tĭng rê̆m măng tĭng.  Kơphô̆ prôk chêng  cho vâ prôk ngăn nhâ loăng kong kế tiu xah hêi, xah pơtê, ai tiô tơdroăng púi vâ ngăn dêi mơngế ki lăm ôm hyô ngăn túa lĕm tro - ngăn vâi mơđah hơdruê xuăng, pế pơchên kế kâ dêi tơmối, veăng pơtối rak vế ki kơxúa tơmeăm khoăng túa lĕm tro, tíu tơbâ ton nah dêi râ Tơnêi têa a long Xuân Hương.