Rah xo Kăn pơkuâ Hngêi tơleăng kuăn pơlê kong pơlê Kon Tum
Thứ sáu, 10:00, 21/06/2024
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Kơxê hâi lơ 20/6, pôa Phạm Quốc Hưng, Kăn phŏ hngêi tơleăng xiâm hiăng diâp pơkâ rah xo Kăn pơkuâ hngêi tơleăng kuăn pơlê kong pơlê Kon Tum ƀă pôa Hà Viết Toàn.
Pôa Hà Viết Toàn, 48 hơnăm, Ngế tơleăng râ tơdế, châ rah xo pro Kăn pơkuâ hngêi tơleăng kuăn pơlê kong pơlê Kon Tum. Pôa Toàn hiăng 23 hơnăm pêi cheăng tung kơvâ hngêi tơleăng. Sap hơnăm 2018 troh nôkố, pôa Toàn pro Kăn phŏ pơkuâ hngêi tơleăng kong pơlê Gia Lai.
A roh leh, rơkâu pôa Hà Viết Toàn châ rah xo pro kăn nếo, pôa Phạm Quốc Hưng, Kăn xiâm phŏ pơkuâ hngêi tơleăng xiâm pơkâ thế pôa Toàn rơtế Khu kăn ƀô̆ Đảng, khu râ kăn pơkuâ Hngêi tơleăng kuăn pơlê kong pơlê Kon Tum mơdêk hiâm mơno rŭm môi tuăn; pêi pro lĕm tro pơkâ tơkŭm kuăn pơlê pơkuâ dêi hnoăng. Kŏng chưk ƀă mơngế pêi cheăng Hngêi tơleăng kuăn pơlê péa râ kong pơlê Kon Tum kal môi tuăn ƀă rơtế ƀă Kăn pơkuâ hngêi tơleăng vâ pêi pro lĕm tro mâu hnoăng châ pơcháu.
Viết bình luận