A rôh hôp, Hô̆i đong kong pơlê Dak Lak hiăng ăm pơtê cheăng Ngế cheăng tung Vi ƀan kong pơlê Dak Lak hneăng 10 hneăng hơnăm 2016-2021 ƀă jâ H’Yâo Knul, Kăn pơkuâ hnê ngăn Đảng tơring Krông Ana, cho Ngế pơkuâ Kuăn ngo dêi Vi ƀan kong pơlê, xua hiăng lăm pêi cheăng a tíu ê. Hô̆i đong xuân tối kơxô̆ phĭu rah xo Ngế cheăng tung Vi ƀan kuăn pơlê kong pơlê Dak Lak hneăng 10, hnăm 2021-2026 ƀă pôa Nguyễn Kính, Ngế pơkuâ Kuăn ngo dêi Vi ƀan kong pơlê.
Xuân a rôh hôp chuyên đề rôh má 13 kố, Hô̆i đong kong pơlê Dak Lak tơkŭm tơpui tơno, séa ngăn 7 tơdroăng pơkâ ki kal, pơxúa tung tơdroăng cheăng pơkuâ, rak ngăn cheăng kâ rêh ối dêi kong pơlê. Tung mê ai mâu pơkâ; Tah tơdroăng pơkâ dêi Hô̆i đong kong pơlê ‘na mơhno xing xoăng liăn ngân kong pơlê veăng pêi tơdroăng tơkêa bro ‘no liăn mơjiâng troăng kân Hồ Chí Minh pơla troăng ví a peăng Mâ hâi Lo pơlê kong kơdrâm Ƀuôn Ma Thuột, kong pơlê Dak Lak; pơkâ kơlo gum liăn kâ tơ’nôm ăm mâu kăn ƀô̆, mâu lêng đô̆i K51 ki xo pêi hnoăng cheăng tăng tơkŭm kơxêng kiâ mâu mố đô̆i ki hlâ a kong têa ê; Tơdroăng pơkâ ki kal, kơlo hrê pêi tơdroăng tơkêa bro “mơjiâng pơlê pơla hriâm tâp hơnăm 2021-2030”.
Viết bình luận