Rôh hôp kố ai tơdroăng ki veăng dêi vâ chê 500 ngế cho kăn pơkuâ, kăn pơkuâ hnê ngăn Đảng, Tơnêi têa, mâu kăn pơkuâ khu xiâm, kơvâ cheăng Tơnêi têa hneăng hdrối; mâu kăn tươ̆ng lêng, kăn pơkuâ mâu kong pơlê, pơlê kong kân; mâu hok viện, viê̆n hriăn ngăn, khu ki rơkê, mâu khu ki hriăn ‘na khoa hok, mâu ngế krê ki châ hlo tơdroăng nah cho mâu ngế ki veăng tơplâ tung rôh tơplâ Điện Biên Phủ.

Tơpui pơxiâm po Rôh hôp, Đăi tươ̆ng Lương Cường, Ngế cheăng tung Khu xiâm kal kí, Ngế cheăng tung pơkuâ ngăn Đảng lêng Tơnêi têa, Kăn hnê ngăn Khu xiâm pơkuâ tơdroăng kal kí Khu lêng kuăn pơlê Việt Nam tối nhên: Rôh hôp tơpui tơno khoa hok hâi kố cho môi tung mâu tơdroăng ki ai pơxúa koh hâk Tơbâ 70 hơnăm Ƀlêi trâng Điện Biên Phủ (1954 - 2024); cho rôh vâ tâi tâng Đảng, tâi tâng kuăn pơlê, tâi tâng khu lêng hơ’muăn khôi hmâ tơplâ khên tơnôu, hlâ rêh dêi mâu rơxông pâ pôa, tơbâ troh kuăn pơlê, mâu vâi pú hiăng tơplâ ƀă hlâ rêh piu tơná tung tơdroăng tơleăng lĕm hdroâng mơngế.